قسم آهي رات جو جڏهن ڍڪي ٿي .

رات جو قسم آهي جڏهن (سڀني شين کي) ڍڪي ٿي

قسم آهي رات جو جڏهن اُها ڇانئجي وڃي ٿي.

۽ قسم آهي ڏينهن جو جڏهن روشن ٿئي ٿو .

۽ ڏينهن جو جڏهن ظاهر ٿئي ٿو

قسم آهي ڏينھن جو جڏهن اهو روشن ٿئي ٿو.

۽ ان جو جنهن پيدا ڪيو نر کي ۽ ماديءَ کي .

۽ نر ماديءَ کي جو پيدا ڪيو اٿس تنهن جو

قسم آهي ان ذات جو جنھن مرد ۽ عورت کي پيدا ڪيو.

بيشڪ اوهان جي ڪوشش جدا جدا آهي .

ته اوهان جون ڪوششون مختلف آهن

بيشڪ توهان جون ڪوششون (هڪ ٻئي کان) مختلف آهن.

پوءِ پر جنهن ڏنو ۽ ڊنو .

پوءِ جنهن شخص ڏنو ۽ (الله کان) ڊنو ۽

پوءِ جنھن (الله تعالى جي راهه ۾) مال ڏنو ۽ پرهيزگاري اختيار ڪئي.

۽سچو چيائين چڱي ڳالهه کي .

تمام چٽي ڳالهه کي سچو سمجهيو

۽ ڀلائي جي تصديق ڪئي.

پوءِ جلد آسان ڪري ڏينداسون ان کي سولي واٽ .

ته ان کي تمام آسان رستي (تي هلڻ) جي توفيق ڏينداسون

ته (اهڙي صورت ۾) اسان ان کي آسان رستي جي توفيق ڏينداسين.

۽ پر جنهن بخيلي ڪئي ۽ بي پرواهي ڏيکاري .

بخل ڪيو ۽ بي پرواهي ڪئي

(پر) جنھن ماڻهو (الله تعالى جي نالي تي ڏيڻ کان) ڪنجوسي ڪئي ۽ بيپرواهي اختيار ڪئي.

۽ ڪوڙو چيائين سهڻي ڳالهه کي .

۽ تمام چٽي ڳالهه کي ڪوڙو ڪيو

۽ ڀلائي کي ڪوڙو ڪيو.

پوءِ جلد ميسر ڪنداسون ان لاءِ ڏکيائي .

ته ان کي تمام مشڪل رستي (تي هلڻ) لاءِ لڳائي ڇڏينداسون

ته اسان کيس تڪليف واري رستي تي لڳائينداسين.

۽ نه فائدو ڏيندو ان کان ان جو مال جڏهن هلاڪت ۾ پوندو .

۽ سندس مال ان کان ڪجهه به نه ٽاريندو جڏهن هو (کڏ ۾ ) ڪرندو

جڏهن هو بربادي ۾ پوندو ته سندس مال (ڪنهن به) ڪم نه ايندو.

بيشڪ اسان تي البته هدايت ڪرڻ آهي .

بيشڪ اسان تي ئي رستو ڏيکارڻ آهي

بيشڪ (سڌو) رستو ڏيکارڻ اسان جي ذمي آهي.

۽ بيشڪ اسان جي آهي البته آخرت ۽ دنيا .

۽ بيشڪ آخرت ۽ دنيا اسان جون ئي آهن

۽ بيشڪ آخرت ۽ دنيا اسان جي ئي هٿ ۾ آهن.

پوءِ ڊيڄاريو مون اوهان کي باهه کان جيڪا ڀڙڪي پئي .

تنهن ڪري مون اوهان کي اهڙي باهه کان ڊيڄاريو آهي جا ڄڀي (ڀڙڪا) ڪري ٿي

سو مان توهان کي ڀڙڪندڙ باهه کان ڊيڄاري ڇڏيو آهي.

نه داخل ٿيندو ان ۾ مگر وڏو بد بخت .

جنهن ۾ اهڙي نڀاڳي کان سواءِ ٻيو ڪو داخل نه ٿيندو

ان (باهه) ۾ بدبخت ماڻهو ئي داخل ٿيندو.

جنهن ڪوڙو چيو ۽ منهن موڙيو .

جنهن ڪوڙو ڪيو ۽ منهن موڙيو

جنھن ڪوڙو ڪيو ۽ منھن موڙيو.

۽ گهڻو پري رکيو ويندو ان کان وڏو پرهيزگار .

۽ ان کان ان پرهيزگار کي الڳ ڪيو ويندو

البته پرهيزگارن کي ان باهه کان پري رکيو ويندو.

جيڪو پنهنجو مال ڏئي ٿو صاف ٿو ٿئي .

جو پنهنجو مال ڏئي ٿو ته پاڪ ٿئي

جيڪو پاڪيزهه رهڻ خاطر مال خرچ ڪري ٿو.

۽ ناهي ڪنهن هڪ جو ان تي ڪو احسان جو بدلو ڏنو وڃي ٿو .

۽ مٿس ڪنهن جو اهڙو احسان به نه هجي جنهن جو بدلو ڏئي

ان جي مٿان ڪنھن جو به احسان ٿيل نه آهي جنھن جو کيس بدلو لاهڻو هجي.

مگر پنهنجي رب اعلى جي رضا طلب ڪرڻ لاءِ .

پر پنهنجي بلند پاليندڙ جي رضامندي گهرڻ لاءِ (ڏئي ٿو)

بلڪه پنھنجي بلند پالڻھار جي رضا حاصل ڪرڻ لاءِ ايئن ڪندو آهي.